Next on DVB Debate:Government Promise

I Card for 6+7

မြန်မာ့နိုင်ငံရေးအလှည့်အပြောင်းတစ်ခုအဖြစ် ပုံသွင်းဖော်ဆောင်ခဲ့တဲ့ အသွင်းပြောင်းအစိုးရသစ်ဟာ
စတင်အုပ်ချုပ်လာတဲ့အချိန်မှာပဲ ကတိက၀တ်များစွာပါဝင်တဲ့ မိန့်ခွန်းတစ်ရပ်ကို ပြည်သူလူထုထံ ပြောဆိုခဲ့ ပါတယ်။ ၂၀၁၁ ခုနှစ် မတ်လ ၃၀ ရက်နေ့မှာ သမ္မတဦးသိန်းစိန်ကပြောဆိုခဲ့တာဖြစ်ပါတယ်။
အစိုးရခေါင်းဆောင်တစ်ယောက်အနေနဲ့ မိဘပြည်သူများခင်ဗျာ လို့ဆိုပြီး ကတိက၀တ်တွေပါတဲ့မိန့်ခွန်းကို
နှစ်ပေါင်း ၅၀ ကျော်အတွင်း ပထမဆုံးပြောကြားခဲ့တာလည်းဖြစ်ပါတယ်။ ပြည်သူတွေအတွက် မျှော်လင့်ချက်
အားဆေးဖြစ်ခဲ့ရပါတယ်။

အဲဒီကတိက၀တ်တွေထဲက အနည်းငယ်ကောက်နှုတ်ပြရရင်….

ဆင်းရဲမွဲတေမှုလျှော့ချရေး….
သန့်ရှင်းတဲ့အစိုးရတစ်ရပ်ဖြစ်ပေါ်လာရေး….
တရားဥပဒေစိုးမိုးရေး နဲ့ ငြိမ်းချမ်းရေး….
တောင်သူလယ်သမား၊ အလုပ်သမားတွေရဲ့ လူမှုဘ၀တွေဖွံ့ဖြိုးတိုးတက်လာအောင် အားပေးဆောင်ရွက်ရေး…
စသဖြင့် နှစ်လိုဖွယ်ကောင်းတဲ့ ကတိက၀တ်တွေနဲ့ အစိုးရသက်တမ်း ၅ နှစ်မှာ အခုဆိုရင် ၄ နှစ်ကိုအုပ်ချုပ်
လာခဲ့ပါတယ်။

အထူးသဖြင့် ပြည်သူတွေစိတ်ဝင်စားမျှော်လင့်ခဲ့ရတဲ့ ကတိက၀တ်တစ်ခုကို ပြပါဆိုရင်
၂၀၁၁ ခုနှစ် သြဂုတ်လ ၈ ရက်နေ့က ပြောကြားခဲ့တဲ့ ကတိက၀တ်ဖြစ်ပါတယ်။ ၂၀၁၅ ခုနှစ်အတွင်း
ဆင်းရဲမွဲတေမှုကို ၁၅ ရာခိုင်နှုန်းထိလျှော့ချသွားဖို့ ရည်မှန်းထားတယ်လို့ဆိုခဲ့ပါတယ်။ ဒါကို ဘယ်လောက်
အကောင်အထည်ဖော်နိုင်ခဲ့သလဲဆိုတာကတော့ ကာယကံရှင်ပြည်သူတွေအသိဆုံဖြစ်ပါလိမ့်မယ်။

ယခင်စစ်အုပ်ချုပ်ရေးကာလကြီးတစ်လျှောက်လုံးက အရှုပ်အထွေးတွေ၊ အိုဟောင်းနေတဲ့ ဗျုရိုကရေစီ ယန္တရား
နဲ့ လက်လွန်ထားသမျှကို အနားသတ်ဖို့ကြိုစားနေရရင်းနဲ့ပဲ အစိုးရသစ်သက်တမ်း ၅ နှစ်ဟာ နီးကပ်လာနေပြီ
ဖြစ်ပါတယ်။

အစိုးရသစ်လက်ထပ်မှာ မြင်သာတဲ့ပြောင်းလဲမှုတချို့ကိုတွေ့ရပြီး အနှစ်သာရအားဖြင့်တော့ သိပ်မတွေ့ရဘူးလို့
နိုင်ငံရေးလေ့လာသူတွေက ထောက်ပြဝေဖန်ထားပါတယ်။ ဒီအပေါ်ကို အစိုးရသစ်ဘက်မှာလည်း ပြန်လည် ချေပပြောစရာတွေရှိနေမှာ သေချာပါတယ်။ သက်တမ် ၄ နှစ်သာအတွင်းမှာ အဖက်ဖက်ကယိုယွင်းနေတာတွေ
ကို ပြန်လည်တည့်မတ်ဖို့ အချိန်ကာလအားဖြင့် တိုတောင်းတယ်လို့ ပြန်လည်ချေပစရာရှိပါတယ်။ အနည်းဆုံး
တော့ နောက်ထပ် အစိုးရ သက်တမ်းတစ်ခုလောက်ထိ အချိ်န်ယူဖို့လိုတယ်လို့ ချေပနိုင်စရာရှိပါတယ်။

ဒါကြောင့် အစိုးရသစ်နဲ့ ပြည်သူကရွေးကောက်တင်မြှောက်လိုက်တဲ့ ကိုယ်စားလှယ်တွေဟာ သူတို့ရဲ့ ကတိ
က၀တ်တွေကို ဘယ်လောက်အကောင်အထည်ဖော်နိုင်ခဲ့ပြီလဲ ဆိုတဲ့ခေါင်းစဉ်နဲ့ ဒီဗီဘီ ဒီဘိတ်ကို အထက်
ပါအကြောင်းအရာတွေအပေါ်အခြေခံပြီး ဆွေးနွေးသွားကြမှာဖြစ်ပါတယ်။

အခုအပတ် ဒီဗီဘီ ဒီဘိတ်ကို မော်လမြိုင်မြို့မှာ သွားရောက်ပြုလုပ်မှာဖြစ်ပြီး တစ်နေ့တည်းကို ၂ ပွဲဆက်တိုက်
ပြုလုပ်သွားမှာဖြစ်ပါတယ်။ ဒုတိယပွဲစဉ်ကို “ အမျိုးသားပြန်လည်သင့်မြတ်ရေးလမ်းကြောင်းပေါ် အမှန်တကယ်
ရောက်ရှိနေပြီလား” ဆိုတဲ့ခေါင်းစဉ်နဲ့ ပြုလုပ်သွားမှာဖြစ်ပါတယ်။

အမျိုးသားပြန်လည်သင့်မြတ်ရေးဆိုတဲ့နေရာမှာ စစ်ဘက်-အရပ်ဘက် ဆက်ဆံရေးကိုအခြေခံပြီးပြောနေကြ
တာဖြစ်ပါတယ်။ အမှန်ကတော့ အဲဒါထက်ပိုကျယ်ပြန့်ပါတယ်။ စစ်ဘက်-အရပ်ဘက် ဆက်ဆံရေး ပြေလည်
သွားပြီ စစ်တပ်အနေနဲ့ နိုင်ငံရေးကနေ အပြီးတိုင် ဖယ်ခွာသွာခဲ့မယ်ဆိုရင်တောင် မြန်မာနိုင်ငံမှာ အရိုးစွဲနေတဲ့
တိုင်းရင်းသားပြဿနာတွေ၊ အယူအဆတွေ၊ မကြေလည်မှုတွေဟာ စစ်မှန်တဲ့ အမျိုးသားပြန်လည်သင့်မြတ်ရေး
ကို တည်ဆောက်ဖို့ အတော်ခက်ခဲနေအုံးမှာဖြစ်ပါတယ်။

အခုအခြေအနေတွေဟာ ပထမအဆင့်ဖြစ်တဲ့ စစ်ဘက်-အရပ်ဘက် ဆက်ဆံရေးကိုအခြေခံတဲ့ အမျိုးသားပြန်
လည်သင့်မြတ်ရေးလမ်းကြောင်းပေါ်မှာပဲရှိပါသေးတယ်လို့ ယူဆပြောနိုင်စရာရှိပါတယ်။ အလားတူပဲ ဖက်ဒရယ်ပြည်ထောင် စုဖြစ်ပေါ်လာဖို့ အမျိုသားပြန်လည်သင့်မြတ်ရေးက ဘယ်လောက်အတိုင်းအတာထိ အရေးပါလဲ၊ ဘယ်သူတွေမှာ အဓိကတာဝန်ရှိနေသလဲဆိုတာတွေအပေါ်မှာ သဘောထားကွဲလွဲမှုတွေရှိနိုင်ပါ
တယ်။ ဒါတွေကို အခုလ ၇.၃.၂၀၁၅ ရက်နေ့၊ မော်လမြိုင်မှာပြုလုပ်မယ့် ဒီဗီဘီ ဒီဘိတ် ဒုတိယပွဲစဉ်မှာ ဆွေး
နွေးသွားကြမှာဖြစ်ပါတယ်။